港姐大熱6號馮盈盈，之前經常在網上曬泳衣照。一向是有料之人的她，今日著上大會提供的泳裝上陣，即見真章，上圍驚變“消失的導彈“，離奇地胸平如鏡。三圍數字31、22、33.5的她，雖然上圍“失蹤“兼感覺過瘦，但腰間仍見“曱甴肚“，加上皮膚白滑，感覺依然省鏡。

緊張到胃痛

對于首次著泳裝示人，馮盈盈坦言緊張至胃痛，她說：“第一次著泳裝好緊張，由昨日喺機場，聽到記者講話今日要著泳裝，就緊張到依家。雖然緊張，但沒失眠，但緊張到胃痛，唔知系咪食早餐時，飲咗杯齋啡有關，聽導演講飲齋啡可以收水去水腫。“

唔再松泡泡

談到上圍縮水時，馮盈盈顯得左閃右避，支吾以對謂：“可能系角度問題，燈光呀...呢排自己節食修身，可能件泳衣設計問題，沒話要突出邊個部份。（但你上網啲相好有身材，依家消失曬，同網上嘅相唔同？）又唔可以用消失嚟形容嘅，我個人仲喺度，近排節食修身，個人緊緻咗啫，啲肌肉緊緻咗。（咁上圍有沒縮水？）我系靠做運動去keep fit嘅，依家成個人都瘦曬，唔會好似以前咁松泡泡，亦沒話邊個部份特別縮水啰！“